ՀՅԴ ՀԵՄ և ՀՅԴ «Նիկոլ Աղբալյան» ուսանողական միությունները կոչ են անում ապրիլի 23-ին և 24-ին մոմեր վառել և պատուհաններին դնել

ՀՅԴ Հայաստանի Երիտասարդական Միությունը հայտարարությամբ է հանդես եկել, տեղեկացնելով, որ այս տարի անհնար է ավանդական դարձած ձևաչափով իրականացնել Ցեղասպանության հիշատակի միջոցառումները։

Հայտարարությունում, մասնավորապես, նշվում է.

«Սիրելի հայրենակիցներ,

պայմանավորված Հայաստանում տիրող իրավիճակով և առողջապահական ռիսկերով այս տարի անհնար է ավանդական դարձած ձևաչափով իրականացնել Ցեղասպանության հիշատակի միջոցառումները։

Քանի որ․

‼️ Ջահերով երթը այս տարի հնարավոր չէ կազմակերպել ավանդական ձևաչափով:

‼️ ապրիլի 24-ին հնարավոր չի լինի Ծիծեռնակաբերդի հուշահամալիր մեծ թվով մարդկանց այցելությունը

ՀՅԴ Հայաստանի Երիտասարդական և ՀՅԴ «Նիկոլ Աղբալյան» ուսանողական միությունները կոչ են անում ապրիլի 23-ին և 24-ին ժամը 21։00-ից վառել և մեր բնակարանների պատուհաններին դնել մոմեր՝ ի հիշատակ Հայոց Ցեղասպանության զոհերի և մեր պահանջատիրության։

Այս օրերին մեր կողմից իրականացվող այլ միջոցառումնների մասին կտեղեկացնենք առաջիկայում»։