Թուրքիայում սոցիալական հեռավորություն չպահելու համար քաղաքացիները կպատժվեն

Թուրքիայի Զոնգուլդաք նահանգում նոր տեսակի կորոնավիրուսի դեմ պայքարի շրջանակներում պատիժ է սահմանվել այն քաղաքացիների նկատմամբ, ովքեր չեն պահպանի 1.5 մետր սոցիալական հեռավորությունը, հակառակ դեպքում քաղաքացիները կտուգանվեն 3180 լիրայով. հայտնում T24.com.tr կայքը։

Զոնգուլդաքում երկրի ՆԳՆ որոշմամբ փակվել էին նահանգի և դրա գավառների սահմանները։ Նահանգի ոստիկանապետ Ահմեթ Մեթին Թուրանլըն նոր միջոցառման մասին  տեղեկացրել է սոցցանցերում։

Նշենք, որ երկրի նախագահ Ռեջեփ Թայիփ Էրդողանի հրամանով երկրում հանգստյան օրերին պարետային ժամ կմտցվի։ Ապրիլի 14-ի դրությամբ երկրում գրանցվել է կորոնավիրուսով վարակման 61049 դեպք, որից ապաքինվել է 3954-ը, իսկ 1296–ը մահացել։