Ռուսաստանում կորոնավիրուսը սկսել են բուժել վարակվածների արյան փոխներարկմամբ. Lenta.ru

Ռուսաստանում իրականացվել են կորոնավիրուսից ապաքինված դոնորների արյան պլազմայի փոխներարկման առաջին պրոցեդուրաները։ Կորոնավիրուսից բուժման նոր մեթոդի մասին հայտնել է Մոսկվայի քաղաքապետի սոցիալական զարգացման հարցերով տեղակալ Անաստասիա Ռակովան. հայտնում է Lenta.ru կայքը։

Ըստ նրա՝ Մոսկվայում արդեն 11 ապաքինված քաղաքացի դարձել են դոնոր։ Փոխներարկումները իրականացվել են 7 պացիենտների նկատմամբ։

«Մենք մշտապես հետևում ենք այլ երկրների մեր գործընկերների հետազոտություններին. նմանատիպ հետազոտություններ իրականացվում են Չինաստանում, Գերմանիայում և ԱՄՆ-ում։ Հույս ունենք, որ նոր մեթոդը կօգնի արդյունավետ պայքաերի համավարակի դեմ», - նշել է Ռակովան։

Ապրիլի 9-ի դրությամբ ՌԴ-ում վարակվել է 10131 մարդ, մահացել է 76-ը, 698-ն էլ ապաքինվել։