Մեծ Բրիտանիայի վարչապետին կմիացնեն թոքերի արհեստական օդափոխության սարքին. ՌԻԱ Նովոստի

Մեծ Բրիտանիայի վարչապետ Բորիս Ջոնսոնը կենթարկվի թոքերի արհեստական օդափոխության. գրում է ՌԻԱ «Նովոստի»-ն՝ Անգլիայի առողջապահության ազգային համակարգի ղեկավարությանը մոտ աղբյուրին հղմամբ. հայտնում է Yerkir.am-ը։

Ըստ գործակալության զրուցակցի՝ Ջոնսոնը հրատապ հոսպիտալացվել է, և կենթարկվի թոքերի արհեստական օդափոխության։

Հիշեցնենք՝ նախօրեին վարչապետի պաշտոնական ներկայացուցիչը հայտնել էրզ Ջոնսոնը, ում առողջական խնդիրները՝ բարձր ջերմությունն ու հազը դեռևս պահպանվում են, բուժող բժշկի խորհրդով տեղափոխվել է հիվանդանոց։ Դաունինգ-սթրիթում հավաստիացրել են՝ վարչապետը շարունակում է գլխավորել կառավորությունն ու կապի մեջ է նախարարների կաբինետի հետ։

Ավելի վաղ Yerkir.am-ը հայտնել էր՝ Մեծ Բրիտանայի վարչապետը վարակվել է կորոնավիրուսով։