«Ռեքվիեմ»՝ նվիրված ապրիլյան քառօրյա պատերազմում նահատակված հայ հերոսների հիշատակին

Ի հիշատակ ապրիլյան պատերազմում նահատակված հայ քաջերի Կամերային երաժշտության ազգային կենտրոնն ապրիլի 4-ին «Ֆեյսբուք»-ի իր պաշտոնական էջում կներկայացնի Բրուքների «Ռեքվիեմ»-ը:

Համերգին ելույթ են ունեցել Հայաստանի պետական կամերային նվագախումբը և «Հովեր» պետական կամերային երգչախումբը՝  ՀՊԿՆ  գեղարվեստական  ղեկավար  և  գլխավոր  դիրիժոր  Վահան Մարտիրոսյանի  ղեկավարությամբ:

«Համերգի տեսագրության ցուցադրությունը կենտրոնի հարգանքի տուրք է քառօրյա պատերազմի հերոսների հիշատակին: Ստեղծագործությունը Հայաստանում կատարվել է առաջին անգամ՝ կենտրոնի նախաձեռնությամբ»,- ասվում է Կամերային երաժշտության ազգային կենտրոնի տարածած հաղորդագրությունում: