ԱՄՆ-ը 1,1 մլն դոլար կհատկացնի Հայաստանին` կորոնավիրուսի դեմ պայքարի համար

ԱՄՆ պետդեպարտամենտը 274 միլիոն դոլարի ռեսուրսներ կտրամադրի աշխարհի` կորոնավիրուսից առավել տուժած 64 երկրներին, այդ թվում` 1,1 միլիոն դոլարը կհատկացվի Հայաստանին. տեղեկացնում է yerkir.am-ը` Ամերիկայի Հայ դատի գրասենյակին հղումով:

«Մենք ողջունում ենք COVID-19 համավարակի կապակցությամբ ԱՄՆ լրացուցիչ բժշկական ռեսուրսների առաջին փուլի օգնության տրամադրումը Հայաստանին»,- ասել է Ամերիկայի Հայ դատի հանձնախմբի նախագահ Րաֆֆի Համբարյանը:

Ավելի վաղ` մարտի 24-ին, Րաֆֆի Համբարյանը Հայաստանում ԱՄՆ դեսպան Լին Թրեյսիին կոչ էր արել նախաձեռնություն ցուցաբերել ստեղծված իրավիճակում Հայաստանին օգնություն տրամադրելու համար՝ համագործակցելով Հայաստանի առողջապահության նախարարության հետ: