Երկրում կորոնավիրուսի առկայությունը ժխտող ԿԺԴՀ-ն գաղտնի կերպով օգնություն է խնդրել

Հյուսիսկորեական իշխանությունները գաղտնի կերպով միջազգային օգնություն են խնդրել, որպեսզի դիմակայեն կորոնավիրուսի համաճարակին: ԿԺԴՀ-ն փակել էր սահմանները դեռևս հունվարին և տեղեկություններ չէր հաղորդում վարակվածների մասին. տեղեկացնում է Yerkir.am-ը` The Hill-ին հղումով:

Թեև, պաշտոնական տվյալներով, ԿԺԴՀ-ում կորոնավիրուսի որևէ դեպք չի արձանագրվել, փորձագետները չեն վստահում այդ տեղեկություններին` հաշվի առնելով երկրի` աշխարհագրորեն Չինաստանին մոտ լինելը, թեստերի բավարար քանակի բացակայությունը և քաղաքական ռեժիմի առանձնահատկությունը:

Հյուսիսային Կորեային պատրաստ են աջակցել Առողջապահության համաշխարհային կազմակերպությունը, Կարմիր խաչը, ՅՈՒՆԻՍԵՖ-ը, «Բժիշկներ` առանց սահմանի» կազմակերպությունը, նաև Ռուսաստանն ու Չինաստանը: