Երևանի Մետրոպոլիտենն աշխատում է իր գրաֆիկի համաձայն

Երևանի Մետրոպոլիտենի ֆեյսբուքյան էջը տեղեկացնում է.

«Հարգելի ուղևորներ

Հայաստանում կորոնավիրուսի տարածումը կանխելու համար՝ մարտի 24-ից առնվազն մեկ շաբաթով գործում են նոր սահմանափակումներ, ինչը նշանակում է, որ հազարավոր ձեռնարկությունների աշխատանքը դադարեցվելու է. թույլատրվում է միայն կենսական անհրաժեշտ կազմակերպությունների գործունեությունը:

Հաշվի առնելով վերոնշյալը՝ տեղեկացնում ենք, որ «Կարեն Դեմիրճյանի անվան Երևանի մետրոպոլիտեն» ՓԲԸ-ն աշխատում է իր գրաֆիկի համաձայն՝ ժամը 07։00-ից մինչև 23։00-ն։ Այդուհանդերձ, Մետրոպոլիտենի տնօրինությունը հորդորում է ուղևորներին մնալ տանը և հետևել պարետատան հրահանգներին։