Ավստրիան և Լեհաստանը զորք կուղարկեն Հունաստան՝ Թուրքիայի կողմից քշվող փախստականների հոսքը կանգնեցնելու համար

Ավստրիան և Լեհաստանը համաձայնվել են ուղարկել մի քանի տասնյակ ոստիկանական ուժեր՝ օգնելու հույն գործընկերներին, որպեսզի պահեն հույն-թուրքական սահմանը, որտեղ Անկարան քշել էր տասնյակ հազարավոր փախստականների. հաղորդում է հունական Kathimerini օրաթերթը:

Ըստ լրատվամիջոցի՝ Լեհաստանը համաձայնվել է ուղարկել 100 ոստիկան Հունաստանի հյուսիսարևելյան սահմանային Էվրոս շրջան և պատրաստ է ուղարկել ավել զորք, եթե Աթենքը խնդրի: Նույն համաձայնությունը ձեռք է բերվել նաև ավստրիական կառավարության հետ, որը կուղարկի 13 ոստիկան:

Հիշեցնենք, որ օրեր առաջ Կիպրոսն ուղարկել էր 22 ոստիկան, իսկ ԵՄ սահմանապահ գործակալությունը՝ Frontex-ը, կվերահսկի մի քանի այլ անդամ-պետությունների 100 սահմանապահներին:

Բոլոր արտասահմանային ուժերը գտնվելու են հունական ոստիկանության` ELAS-ի և երկրի ԶՈւ-ի վերահսկողության տակ. հայտնում է Yerkir.am-ը: