ԱԳՆ-ն հորդորում է արտերկրում գտնվող ՀՀ քաղաքացիներին հյուպատոսական հաշվառման կանգնել

ԱԳՆ-ն հորդորում է արտերկրում գտնվող ՀՀ քաղաքացիներին հյուպատոսական հաշվառման կանգնել: Այս մասին Yerkir.am-ին տեղեկացնում են ՀՀ ԱՀՆ-ից: Հայտարարության մեջ նշված է. 

«Հաշվի առնելով մի շարք երկրներում նոր տիպի կորոնովիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ հորդորում ենք արտերկրում գտնվող և/կամ արտերկիր ուղևորություն նախատեսող ՀՀ քաղաքացիներին կանգնել հյուպատոսական հաշվառման, որն այժմ հնարավոր է իրականացնել նաև հյուպատոսական հաշվառման ավտոմատացված համակարգի միջոցով:

Հիշեցնում ենք, որ հյուպատոսական հաշվառման կանգնելը կամավոր և անվճար գործընթաց է, որի նպատակն է ՀՀ քաղաքացիների իրավունքների և շահերի պաշտպանությունն ապահովելը, արտակարգ իրավիճակներում հնարավոր աջակցություն ցուցաբերելը, անհրաժեշտ խորհրդատվություն տրամադրելը»։