Մարդու իրավունքերի պաշտպանը հանդիպել է Դաշնակցության թեկնածուների հետ

Արցախի մարդու իրավունքների պաշտպան Արտակ Բեգլարյանն այսօր՝ մարտի 11-ին,   ՀՅԴ Արցախի Նիկոլ Դուման կենտրոնում  հանդիպել է  ՀՅԴ Արցախի Կենտրոնական Կոմիտեի ներկայացուցիչ, ԱՀ նախագահի թեկնածու Դավիթ Իշխանյանի և Դաշնակցության ընտրացուցակով պատգամավորության թեկնածուներ՝ Վահրամ Բալայանի,  Լեռնիկ Հովհաննիսյանի  ու  Արմինե Հարությունյանի հետ:

Իր խոսքում  Արտակ Բեգլարյանը նշել է, որ  շարունակական հանդիպումների  նպատակը՝  մարդու իրավունքների պաշտպանության վերաբերյալ, ընտրությունների  ընթացքում  կուսակցությունների եւ թեկնածուների նկատած խնդիրներին ու առաջարկություններին ծանոթանալն է: Ա. Բեգլարյանը ներկայացրել է Մարդու իրավունքերի պաշտպանի գործառույթների և լիազորությունների այն շրջանակը, որով  Պաշտպանի աշխատակազմը ներկայումս  ընտրական գործընթացի  ամենօրյա մշտադիտարկում է իրականացնում:

Նախագահի թեկնածու Դավիթ Իշխանյանը նշել է, որ քարոզարշավը ընթանում է օրենքին համապատասխան. ժամանակ առ ժամանակ՝ հատկապես սոցիալական ցանցերում նկատվում է  որոշակի լարվածություն, որն  ինչ-որ տեղ անխուսափելի է:

Հանդիպման ընթացքում պայմանավորվածություն է ձեռք բերվել մշտական կապի պահպանման  եւ  փոխհամագործակցության  վերաբերյալ: