Գնամ դիպլոմս ու արտոնագիրս վառեմ. Նորայր Փանոսյանի պաշտպանը հրապարակել է ՀՔԾ քննիչի որոշումից մի հատված

ՍԴ նախագահ Հրայր Թովմասյանի սանիկ Նորայր Փանոսյանի պաշտպան Տիգրան Աթանեսյանն այսօր՝ մարտի 5-ին, ֆեյսբուքյան իր էջում հրապարակել է ՀՔԾ քննիչի որոշումից մի հատված.

«Հատկանշական է նաեւ այն, որ եթե նոտարներին հնարավորություն ընձեռնվեր օգտվել իրենց անհատույց օգտագործման իրավունքից, ապա տարածքը չէր կարող օտարվել մասնավոր անձանց...:

Հատված ՀՀ ՀՔԾ քննիչի որոշումից:

.Գ. Գնամ դիպլոմս ու արտոնագիրս վառեմ...

Հ.Հ.Գ. Քաղաքացիական իրավունքի բոլոր մասնագետներին ու դասախոսներին էլ խորհուրդ կտամ փոխել մասնագիտությունը....

Հ.Հ.Հ.Գ. Սա այն ամենն է, ինչ պետք է իմանալ Հ.Թովմասյանի եւ Ն.Փանոսյանի քրեական գործի իրավաբանական որակի մասին»:

Նշենք, որ ՍԴ նախագահ Հրայր Թովմասյանի եւ նրա սանիկ Նորայր Փանոսյանի վերաբերյալ քրեական գործը՝ մեղադրական եզրակացությամբ, ուղարկվել է ՀՀ Դատախազություն։

Նշենք, որ ՍԴ նախագահն ու իր սանիկը մեղադրվում են ՀՀ ՔՕ-ի 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ):