Ադրբեջանում ևս 11 ընտրատեղամասի արդյունքները չեղյալ են հայտարարվել

Փետրվարի 9-ին կայացած խորհրդարանական արտահերթ ընտրությունների արդյունքները ևս 11 տեղամասում չեղյալ են հայտարարվել: Նման որոշում է կայացրել Ադրբեջանի կենտրոնական ընտրական հանձանաժողովը: Ըստ  Yerkir.am-ի՝ այս մասին լրագրողների հետ զրույցում տեղեկացրել է Ադրբեջանի ԿԸՀ անդամ Տոֆիկ Հասանովը:

«Նշված տեղամասերում արձանագրվել են լցոնումներ՝ հօգուտ ընտրված թեկնածուների»,-նշել է Հասանովը։

Ավելի վաղ ադրբեջանական ընդդիմադիր «Մուսավաթ» կուսակցությունը հայտարարություն էր տարածել, որում ասված է, որ փետրվարի 9-ին Ադրբեջանում կայացած արտահերթ խորհրդարանական ընտրություններն անցել են ժողովրդավարական նախընտրական միջավայրի, համապատասխան իրավական հիմքի և հավասար քաղաքական պայքարի բացակայության պայմաններում և պահանջել է չեղյալ հայտարարել ընտրությունների արդյունքները: