Անդրե Աղասին մեղադրվել է կարիերայի ընթացքում արգելված խթանիչներ օգտագործելու մեջ

Արմատներով հայ ամերիկացի հայտնի թենիսիստ Անդրե Աղասիին մեղադրել են կարիերայի ընթացքում արգելված խթանիչներ օգտագործելու մեջ, գրում է իսպանական Marca պարբերականը. հայտնում է Yerkir.am-ը:

Պրոֆեսիոնալ թենիսիստների ասոցիացիացիայի վարկանշային աղյուսակի նախկին առաջին համարի վերաբերյալ նման  հայտարարությամբ է հանդես եկել չիլիացի թենիսիստ Մարսելո Ռիոսը, ով ևս կարիերայի ընթացքում գլխավորել է ATP աղյուսակը:

Նրա պնդմամբ՝ պրոֆեսիոնալ թենիսիստների ասոցիացիան իմացել, բայց կոծկել է խթանիչ-դոպինգ օգտագործելու դեպքերը:

«Պրոֆեսիոնալ թենիսիստների ասոցիացիան գոյություն ունեցող ամենամեծ աղբն է: Աղասիին՝ «բռնել են» 4 անգամ և կոծկել են, քանի որ դա Աղասին էր»,- հավաստիացրել է նա:

Նշենք, որ Անդրե Աղասին պրոֆեսիոնալ թենիսով է զբաղվել 1980-ականների վերջից մինչև 2006թ.: