ՌԴ-ից Հայաստան տանող ճանապարհի վրա կուտակվել է ավելի քան 300 բեռնատար

Չորեքշաբթի առավոտյան խոշոր բեռնատարների համար փակվել է Վրաստանի մայրուղու այն հատվածը, որը միակ օղակն է Ռուսաստանի և Հայաստանի միջև. Interfax-ը մեջբերում է Հյուսիսային Օսիայի մասով Ռուսաստանի արտակարգ իրավիճակների նախարարության գլխավոր ծառայության հաղորդագրությունը. հայտնում է Yerkir.am-ը:

«Վրացական ավտոճանապարհի երթևեկությունը ժամը 10:00-ից սահմանափակ է խոշոր բեռնատար մեքենաների համար: Վրաստանի տարածքում մերկասառույց է և ձնաբուք: Կուտակվել է 335 մեծ մեքենա»,-նշվում է հաղորդագրությունում:

Հավելվում է, որ նախօրեին ձնաբքի պատճառով ճանապարհը փակ էր բոլոր տեսակի տրանսպորտային միջոցների համար, բայց մինչև երեկո հաջողվել էր վերականգնել երթևեկությունը: