1 մլն ԱՄՆ դոլարով վաճառքի է հանվել Ալ Կապոնեի զրահապատ կադիլակը

Մաֆիայի ամենահայտնի պարագլուխներից մեկը համարվող Ալ Կապոնեին պատկանող «Կադիլակ» մակնիշի զրահապատ մեքենան վաճառքի է հանվել. այս մասին հայտնում է Yerkir.am-ը՝ Luxury Launches-ին հղումով:

Մեքենայի նախնական գինը 1 մլն ԱՄՆ դոլար է:

Նշվում է՝ փոխադրամիջոցը համարվում է աշխարհում ստեղծված ամենաառաջին զրահապատ մեքենաներից մեկը: Այն գրեթե երկուսուկես սանտիմետր հաստությամբ ապակի ունի՝ մոտ 4000 դոլար արժողությամբ զրահապաշտպան թաղանթով:

Մեքենան պատկանում է 341-A դասին և ունի 90 ձիաուժ հզորությամբ V8 տեսակի շարժիչ:

Այն առանձնահատուկ է նաև նրանով, որ այն ժամանակների համար հազվադեպ հանդիպող հետնապակի ունի, որը ստեղծված է հանկարծակի հարձակման ժամանակ արագ դուրս թռչելու և «հետևում նստողներին պատասխան կրակ բացելու» հնարավորություն տալու նպատակով: