Հրապարակային բանակցությունը շատախոսություն չի սիրում. Լ. Գալստյանը՝ Փաշինյան-Ալիև հանդիպման մասին

Դիվանագիտությունը/հրապարակային բանակցությունը չի սիրում շատախոսություն-դատարկախոսություն. մանավանդ մի լեզվով, որին չես տիրապետում. ՀՅԴ Գերագույն մարմնի անդամ Լիլիթ Գալստյանն իր ֆեյսբուքյան էջում այսպես է անդրադարձել Փաշինյան-Ալիև վերջին հանդիպմանը։ Yerkir.am-ը մեջբերում է Գերագույն մարմնի անդամի գրառումն ամբողջովին. 

«Դիվանագիտությունը/հրապարակային բանակցությունը չի սիրում շատախոսություն-դատարկախոսություն. մանավանդ մի լեզվով, որին չես տիրապետում:

Իսկ մենք միայն լեզվին չի, որ չէինք տիրապետում...

Բայց արդյոք ունե՞ք սեփական սխալները նախ տեսնելու, հետո՝ խմբագրելու ունակություն: Իսկ եթե՞ սխալները շատ են ու անխմբագրելի...

Իհարկե, իշխանամերձ սազանդարները կշտապեն մխիթարել ու քծնել՝ գրելով, թե ՙՙոնց Ալիևին փռեց ասֆալտին՚՚, բայց իրականում դիվանագիտական այդ ՙՙբաց լուսամուտները՚՚ ծանր գին ունեն:

Ավելին գրելը-բարձրաձայն մտածելը շատ ցավալի է...»,-նշված է գրառման մեջ: