ՏԵՍԱՆՅՈՒԹ. Հայկ Սարգսյանի գործով իրեղեն ապացույց ատրճանակը դատարան բերվեց

Ցանկացած մեկը կարող է արձանագրել, որ Պ 226 մոդելի ատրճանակը իրեղեն ապացույց համարվել չի կարող, ըստ Yerkir.am-ի, Երեւանի ընդհանուր իրավասության դատարանի Շենգավիթի նստավայրում, դատավոր Աննա Դանիբեկյանի նախագահությամբ ընթացող ՀՀ երրորդ նախագահ Սերժ Սարգսյանի եղբորորդու՝ Հայկ Սարգսյանի գործով դատական նիստի ժամանակ ասաց պաշտպան Երեմ Սարգսյանը:

Հայկ Սարգսյանի գործով այսօրվա դատական նիստի ժամանակ հետազոտվեց քրեական գործում առկա իրեղեն ապացույց համարվող Պ 226 մոդելի ատրճանակը։

Մեղադրող դատախազ Աբգար Առաքելյանը պնդեց՝ ուսումնասիրվում է Հայկ Սարգսյանի կողմից տուժողին մարմնական վնասվածք հասցված ատրճանակը։

Ծրարը, որում գտնվում էր ատրճանակը, բացեց դատախազ Առաքելյանը, այնուհետև փոխանցեց դատավոր Դանիբեկյանին։