ՍԴ խնդրի կարգավորումը խաղաղություն, հանդարտություն է բերելու ՀՀ քաղաքացիներին. «Իմ քայլի» պատգամավոր

ՍԴ խնդրի կարգավորումը կա, այդ մասին շուտով կիմանաք, ըստ Yerkir.am-ի, այս մասին ասաց ԱԺ «Իմ քայլը» խմբակցության պատգամավոր Քրիստինե Պողոսյանը:

«Հարցի լուծումը խաղաղություն, հանդարտություն է բերելու ՀՀ քաղաքացիներին, մարդիկ իրենց աշխատանքն են անելու, չեն նյարդայնանալու»- նշեց իմքայլական պատգամավորը:

Նա այս տեսակետը հայտնել է ԱԺ «Իմ քայլը» խմբակցության և Ոստիկանապետի պաշտոնակատար Արման Սարգսյանի հետ հանդիպումից առաջ։

Ըստ Քրիստինե Պողոսյանի՝ հանդիպումը մոտ 10 օր առաջ են պլանավորվել:

«Մեր խմբակցության նախաձեռնությամբ է, պարբերաբար ենք հանդիպում։ Հանդիպումը պլանավորված  էր 8-10 օր առաջ, երեկ պետք է լիներ, քանի որ ապրիլյան հանձնաժողովի նիստ ունեինք, ամբողջ հանձնաժողովով չէինք կարող ներկա գտնվել, խմբակցության ղեկավարին խնդրել ենք, և հանդիպումը տեղափոխվել է այսօր»,- փաստեց նա։