Հասան Ռոհանին Թրամփի ծրագիրն անվանել է «դարի ամենազզվելի ծրագիր»

Իրանի նախագահ Հասան Ռոհանին մեկնաբանել է ԱՄՆ վարչակազմի կողմից պատրաստված այսպես կոչված «դարի գործարքը», որն իրենից ենթադրում է իսրայելապաղեստինյան հակամարտության կարգավորման ամերիկյան ծրագիր:

«Բավական է նման հիմա փորձեր ձեռնարկել: Սա դարի ամենազզվելի ծրագիրն է», - ըստ Yerkir.am-ի՝ իր թվիթերյան էջում գրել է Ռոհանին:

Հիշեցնենք, որ թեև Թրամփի ծրագրով նախատեսվում է 50 մլրդ ներդրում ապահովել Պաղեստինին, այնուամենայնիվ այն նման է կապիտուլացիոն փաստաթղթի. Պաղեստինն արձակում է իր բանակը, զրկվում է երրորդ պետության (այս դեպքում Հորդանանի, իսկ մայր հողից կտրված Գազայի հատվածն ունի մի փոքր սահման Եգիպտոսի հետ և ելք Միջերկրական ծով) հետ սահմանից, Երուսաղեմը դառնում է Իսրայելի մայրաքաղաքը: