Այսօր Հայոց բանակի օրն է

Այսօր Հայոց բանակի օրն է. այն ՀՀ զինված ուժերի մասնագիտական տոնն է, որն ամեն տարի նշվում է հունվարի 28-ին: 

Ըստ Yerkir.am-ի՝ ՀՀ ԶՈՒ տոնը հաստատվել է 2001 թվականի հունվարի 6-ին ՀՀ նախագահի ստորագրած «Հայաստանի Հանրապետության տոների և հիշատակի օրերի» մասին օրենքով: 

Որոշ ժամանակ անց՝ 2002թ. նոյեմբերի 20-ին, Սահմանադրության մեջ լրացում է կատարվել՝ ըստ որի հունվարի 28-ը սահմանվում է որպես ոչ աշխատանքային օր:

Հավելենք նաև, որ բանակի տոնը նշվում է հունվարի 28-ին, քանի որ 1992 թվականի նույն օրն ընդունվեց «Հայաստանի Հանրապետության պաշտպանության վերաբերյալ» որոշումը:

Տոնի առթիվ ՀՀ բարձրագույն ղեկավարությունն, ինչպես նաև ՀՀ ԶՈՒ ղեկավար կազմը շնորհավորում են իրենց ենթականերին: Վերջիններիցս ոմանք պարգևատրվում են մեդալներով կամ խորհրդանշական իրերով: