Պարգև արքեպիսկոպոս Մարտիրոսյանը հանդիպման է հրավիրել Արցախի քաղաքական ուժերին և գործիչներին

Այսօր մարդաշատ էր Արցախի առաջնորդարանը: Ավելի վաղ արած հայտարարությանը հավատարիմ՝ Հայ առաքելական եկեղեցու Արցախի թեմի առաջնորդը հանդիպման է հրավիրել առաջիկա համապետական ընտրություններին մասնակցելու մտադրության մասին հայտարարած քաղաքական ուժերին և նախագահի պաշտոնի հավանական հավակնորդներին:

Արցախի հոգևոր առաջնորդը, նախորդ ամիսների անցուդարձի հաշվարկով և առաջիկա շրջանում դրանց ակտիվ զարգացումները կանխատեսելով, քաղաքական ուժերին ու քաղաքական գործիչներին հրավիրել էր իր հորդորը փոխանցելու համար: Քաղաքական պայքարի այս փուլից Արցախը պետք է դուրս գա ավելի ուժեղացած և ոչ թե պառակտված: Պարգև արքեպիսկոպոս Մարտիրոսյանը քաղաքական ուժերին և գործիչներին կոչ է արել նաև որոշակի պատասխանատվություն ստանձնել՝ դա ապահովելու համար: