ԱՄՆ Ներկայացուցիչների պալատը բանաձև է ընդունել, որով սահմանափակվում է Դոնալդ Թրամփի՝ Իրանի դեմ պատերազմ սկսելու հնարավորությունը

ԱՄՆ Ներկայացուցիչների պալատը բանաձև է ընդունել, ըստ որի, սահմանափակվում է երկրի նախագահ Դոնալդ Թրամփի կողմից Իրանի դեմ պատերազմական գործողություններ սկսելու հնարավորությունները։ Ստորին պալատի ներկայացուցիչները մտահոգված են, որ Իրանի հեղինակավոր գեներալ Ղասեմ Սոլեյմանիի սպանությունը կարող է բերել Իրանի դեմ լայնածավալ ռազմական գործողությունների. ըստ Yerkir.am-ի՝ հայտնում է «ՌԻԱ Նովոստին»։

Դեմոկրատական մեծամասնություն ունեցող պալատը 224 կողմ ձայնով ընդունել է այդ բանաձևը, իսկ Թրամփը մեղադրվել է անխոհեմ քաղաքականություն վարելու մեջ։ Բանաձևը դեռ պետք է ուղարկվի Սենատ, որտեղ մեծամասնություն են կազմում Թրամփի կուսակիցները։

ԱՄՆ Ներկայացուցիչների պալատի խոսնակ Նենսի Փելոսին հայտարարել էր, որ Սոլեյմանիի սպանությունը վտանգ է հենց ամերիկացիների անվտանգության ուղղությամբ և մեղադրել Թրամփին, որ պաշտպանական ոլորտին վերաբերող նման կարևոր որոշում կայացնելուց առաջ չի եղել խորհրդակցություն Կոնգրեսի հետ։