Վարժանքներ. գրավել են պայմանական հակառակորդի նշանակետերն ու բարձունքները

3-րդ զորամիավորման ենթակայությամբ գործող զորամասերից մեկում իրականացվել են մարտական հերթափոխի նախապատրաստական աշխատանքներ։

ՊՆ-ից Yerkir.am-ին հայտնում են, որ ստուգվել են հերթափոխի մեկնող անձնակազմի հանդերձանքը, սպառազինությունն ու ռազմական տեխնիկան։ Ստորաբաժանումների հրամանատարները հրահանգավորել են մարտական հերթապահության ժամանակ անվտանգության կանոնների պահպանման վերաբերյալ:

Բացի այդ, մարտավարական-մասնագիտական հմտությունները զարգացնելու նպատակով 5-րդ զորամիավորման հատուկ նշանակության ստորաբաժանումների զինծառայողներն անցկացրել են վարժանքներ:

10 կիլոմետրանոց երթարշավի ընթացքում զինծառայողները, հաղթահարելով տեղանքի բարդ և դժվարանցանելի հատվածներ, գրավել են պայմանական հակառակորդի կարևոր նշանակետերն ու բարձունքները: