Արտակարգ դեպքում Արարատում. ընտանիքի հորից 50 հազար դոլար են պահանջել՝ սպառնալով առեւանգել երեխաներին

«Փաստինֆո»-ի հաղորդմամբ՝ Արարատի մարզում 55-ամյա տղամարդը 50.000 ԱՄՆ դոլար է պահանջել նույն մարզի բնակչից՝ սպառնալով առեւանգել երեխաներին, պայթեցնել տունը։

Առաջին սպառնալիքն Արարատի մարզի բնակիչ Վ. Ղազարյանն ստացել է 2019 թվականի փետրվարի 13-ին, իսկ երկրորդը՝ փետրվարի 28-ին. նամակով 55-ամյա տղամարդը վերահաստատել է պահանջը։

Նշենք, որ տուժողը եւ նրա տունը ոչնչացնել սպառնացող տղամարդը ոչ միայն նույն մարզի բնակիչ են, այլ նաեւ՝ համագյուղացիներ։

Նախաքննական մարմինը 55-ամյա տղամարդուն մեղադրանք է առաջադրել ՀՀ քրեական օրենսգրքի 182-րդ հոդվածի 3-րդ մասի 2-րդ կետի հատկանիշներով՝ առանձնապես խոշոր չափերով շորթման համար, սակայն նա ազատության մեջ է. նրա նկատմամբ որպես խափանման միջոց է կիրառվել գրավը։

Մեր տեղեկություններով՝ քրեական գործով ավարտվել է նախաքննության ավարտի մասին ու գործն ուղարկվել դատարան։

Հեղինակ՝ Իզաբել Սահակյան