Թուրքիան ճանապարհ է հարթում դեպի Հյուսիսային Աֆրիկա

Թուրքիայի նախագահ Ռեջեփ Թայիփ Էրդողանն այսօր՝ դեկտեմբերի 25-ին, անսպասելի այցով ժամանել է Թունիս և բանակցություններ վարել թունիսցի իր գործընկեր Կաիս Սայիդի հետ. ըստ yerkir.am-ի՝ հայտնում է EADaily-ն:

Թուրքիայի նախագահի այցը  հաստատել է վերլուծաբանների ենթադրությունը, որ Անկարան շարունակում է իր ակտիվ քաղաքականությունը Հյուսիսային Աֆրիկայում և Միջերկրական ծովում, որտեղ նրան դիմակայում է հզոր ճամբար՝ Եգիպտոս, Հունաստան, Կիպրոս և Իսրայել կազմով: Նրանք ոչ  ակներևաբար ստանում են Միացյալ Նահանգների աջակցությունը, ինչը չափազանց վրդովեցնում է թուրք առաջնորդին, և Էրդողանն իր «տարածաշրջանային կոալիցիան» է ուզում ստեղծել: Թունիս այցը նոյեմբերի վերջին լիբիական Տրիպոլիում նստած  Ազգային համաձայնության կառավարության ղեկավար Ֆայիզ Սարաջի հետ կնքված երկու համաձայնագրերի հաջորդ փուլն է:

Ազգային համաձայնության կառավարությունը վերջին ամիսներին դաժան պայքար է մղում Լիբիական ազգային բանակի դեմ՝ մարշալ Խալիֆա Հաֆթարի գլխավորությամբ, որին, բացի վերը նշված «քառյակից», աջակցում են նաև Սաուդյան Արաբիան, ԱՄԷ-ն և Ռուսաստանը: