Միայն ԵՊԲՀ-ում սովորում է օտարերկրացիների 41%-ը, իսկ 59%-ը՝ մնացած 67 բուհերում

Երևանի պետական բժշկական համալսարանի  աշխատակազմի ղեկավար Շուշան Դանիելյանն, ըստ Yerkir.am-ի, ֆեյսբուքյան էջում գրել է, որ հանրապետությունում սովորող օտարերկրացի ուսանողների 41 տոկոսը ԵՊԲՀ-ում են:

«Հայաստանում գործում է 68 բուհ (56 բուհ, 12 մասնաճյուղ)։ 4295 օտարերկրացիներ ուսանողներ սովորում են 68 բարձրագույն հաստատություններում։ Եվ 68 հաստատություններից միայն ԵՊԲՀ-ում սովորում է 1761 օտարերկրացի ուսանող (կլինիկական օրդինատորները ներառված չեն այս թվի մեջ), այսինքն` միայն ԵՊԲՀ-ում սովորում են Հանրապետությում սովորող օտարերկրացի ուսանողների 41%-ը։

Փաստորեն, միայն 1 բուհում սովորում է օտարերկրացիների 41%, իսկ մնացած 59%-ը՝ մնացած 67 բուհերում»,-գրել է նա: