«Հզոր ռենջերները» վերադառնում են. Paramount Pictures

1990-ականների սիրելի սուպերհերոսների մասին պատմող «Հզոր ռենջերները» (Power Rangers) ֆիլմի նկարահանումների մասին շրջանառվող լուրերը համապաստախանում են իրականությանը. Paramount Pictures կինոընկերությունը հաստատել է. ըստ Yerkir.am-ի՝ հայտնում է Daily Mail-ը:

«Հզոր ռենջերները» ֆիլմի ռեժիսորը կլինի Ջոնաթան Էնթուիսթլը, սցենարը կհեղինակի Պատրիկ Բերլին, որը գրել է նաև «Peter Rabbit 2:The Runaway» ֆիլմի սցենարը:

«Հզոր ռենջերները» ֆիլմի ամեն եթերաշրջան պատմում է 3-6 մարդկանց մասին, որոնք բախտի բերմամբ դառնում են հզոր ռենջեր, որպեսզի դիմակայեն չար ուժերին, ովքեր տենչում են գրավել կամ ոչնչացնել աշխարհը։ Թիմի ավագը միշտ եղել է կարմիր ռենջերը։ Դրվագների մեծամասնության մեջ գլխավոր հերոսները մարտի են դուրս գալիս գլխավոր չարագործի ստեղծած հրեշի հետ։ Երբ հրեշը պարտվում է, նա հասնում է հսկայական չափերի, և այդ ժամանակ ռենջերները նրանց հետ կռվում են հսկայական զորդերի միջոցով։ Վերջիններս կարող են միաձուլվել և դառնալ մեկ մեծ մարդանման մեգազորդ։ Ինչպես նաև ժամանակ առ ժամանակ նրանց է միանում նոր ռենջեր։