Ղարաբաղյան հակամարտությունը կարող է լուծվել բացառապես քաղաքական-դիվանագիտական միջոցներով. ՌԴ ԱԳՆ

Ռուսաստանը շարունակում է ակտիվ դեր ունենալ Լեռնային Ղարաբաղի հակամարտության կարգավորման հարցով միջնորդական ջանքերում. ըստ Yerkir.am-ի այս մասին նշված է ՌԴ արտաքին գործերի նախարարության տարածած պաշտոնական հաղորդագրության մեջ: 

Հիշեցնենք, որ այս օրերին ՌԴ ԱԳ նախարար Սերգեյ Լավրովը պաշտոնական այցով գտնվում է Ադրբեջանում:

Հաղորդագրության մեջ, մասնավորապես, նշված է. 

«Ռուսաստանի արտաքին քաղաքականության առաջնահերթությունների թվում է ԼՂ հակամարտության կարգավորման հարցով կողմերին աջակցելը, հարցը Ռուսաստանի նախագահի ուշադրության կենտրոնում է: Ելնում ենք նրանից, որ համակարտությունը կարող է լուծվել բացառապես քաղաքական-դիվանագիտական միջոցներով, կողմերի միջև երկխոսության ճանապարհով: Կշարունակենք նպաստել կարգավորմանը ինչպես ԵԱՀԿ Մինսկի խմբի համանախագահների կազմում, այնպես էլ հաշվի առնելով մեր սերտ կապերը Ադրբեջանի ու Հայաստանի հետ»,: