Վրաստանի ընդդիմությունն այսօր շրջափակել էր խորհրդարանի ու Ազգային գրադարանի մուտքերը

Այսօր ընդդիմադիր ուժերը կրկին շրջափակել են խորհրդարանի շենքը: Ցուցարարների մի մասը տեղափոխվել է Ազգային գրադարանի շենքի մոտ՝ տեղեկանալով, որ արդարադատության նախարար Թեա Ծուլուկիանին մասնակցում է Վրաստանում ՄԱԿ-ի «Երեխաների իրավունքի կոնվենցիայի 30-ամյակին» նվիրված միջոցառմանը, սակայն նրանց միջև հանդիպումը չի կայացել:

Գրադարանից դուրս գալուց հետո լրագրողները Ծուլուկիանիին խնդրել են մեկնաբանել քաղաքում ընթացող ցույցերն ու իր մուտքը գրադարան արգելափակելու փորձը.

«Ես նրանց հետ խոսելու ոչինչ չունեմ: Թեման փակված է: Պատրաստվե´ք ընտրություններին: Այսօրվա իրադարձությունները ցույց  տվեցին, որ ընդդիմությունը պատրաստ չէ դրան»:

Ցուցարարները Թեա Ծուլուկիանիին գրադարանից դուրս գալիս դիմավորել են սուլոցներով: Ցույցի ժամանակ ոստիկանությունը բերման էր ենթարկել 6 ցուցարարի: