Սաադ Հարիրին վերջնականապես հրաժարվեց Լիբանանի նոր կառավարությունը գլխավորելուց

Լիբանանի վարչապետի պարտականությունները կատարող, «Ալ Մուստաքբալ» հասարակական-քաղաքական շարժման առաջնորդ Սաադ Հարիրին այսօր՝ նոյեմբերի 26-ին, վերջնականապես հայտարարություն է տարածել այն մասին, որ հրաժարվում է գլխավորել նոր կոալիցիոն կառավարությունը. ըստ Yerkir.am-ի՝ հայտնում է ՏԱՍՍ-ը՝  սուննի քաղաքական գործչի հայտարարությանը հղումով: 

Նա նշել է. «Ես այդ որոշումն եմ ընդունել, որովհետև ճգնաժամից այլ ելք չեմ տեսնում, բացի տեխնոկրատների կառավարության ստեղծումից»:

Միևնույն ժամանակ, Հարիրին կոչ է արել հանրապետության նախագահ Միշել Աունին՝ անցկացնել խորհրդարանական խորհրդատվություններ, ինչպես նաև նշանակել նոր վարչապետի: