Լուսանկարիչը ֆիքսել է՝ ինչպես է գետնասկյուռը կանգ առել՝ ծաղկից հոտ քաշելու համար

Հոլանդացի լուսանկարիչ Դիք վան Դույնը հունիսին Վիեննա կատարած այցի ընթացքում պահը որսացել ու լուսանկարել է գետնասկյուռին, որն իր «բազմազբաղ օրվանից» մի քանի րոպե է հատկացրել ծաղիկներից հոտ քաշելու համար:

Վայրի բնության ու լանդշաֆտային նկարիչը հարցազրույց է տվել Peta Pixel-ին՝ պարզաբանելով, որ առաջին օրը հետևել է գետնասկյուռներին, ուսումնասիրել նրանց վարքագիծը: «Երկրորդ օրն ամբողջովին տրամադրեցի նրանց լուսանկարելուն, իսկ երեկոյան՝ մինչ արևը մայր կմտներ, գետնասկյուռիկներից մեկը մոտեցավ դեղին ծաղկին ու սկսեց հոտոտել»,- մանրամասնել է լուսանկարիչն ու հավելել. «Երբ տեսակադրն իմ ֆոտոխցիկում էր, ես արդեն գիտեի, որ խիստ անձնական պահ եմ ֆիքսել»: