Իրանի դեմ տնտեսական պատժամիջոցներն իրական արդյունք են տալիս. Պոմպեո

ԱՄՆ պետքարտուղար Մայքլ Պոմպեոն պնդում Է, որ ամերիկյան պատժամիջոցները լուրջ վնաս են հասցրել Իրանին՝ այդպիսով ստիպելով նրա ղեկավարությանը՝ կրճատել ծախսերը: Ըստ Yerkir.am-ի՝  պետքարտուղարը նման հայտարարություն է արել՝  Fox Business հեռուստաալիքին տված հարցազրույցում:

Պոմպեոն մանրամասնել է, որ ԱՄՆ-ը պետք Է շարունակի ճնշում գործադրել Իրանի վրա: «Իրանի մուսուլման ղեկավարներն ստիպված են լինում ավելի ու ավելի դժվարին որոշումներ ընդունել իրենց բյուջեի վերաբերյալ»,- ասել Է նա:

Պաշտոնյան հույս ունի նաև, որ Վաշինգտոնի եվրոպական դաշնակիցները կխստացնեն քաղաքականությունն Իրանի նկատմամբ:

«Կարծում եմ, որ եվրոպացիները կհասկանան, որ իրանցիներն ընթանում են ոչ ճիշտ ուղղությամբ»,- բացատրել Է նա՝ միևնույն ժամանակ պնդելով, որ Թեհրանը փորձում Է «միջոցներ շորթել Եվրոպայից և Արևմուտքից»: