Այս բանաձևի որդեգրումը պետք է վերջ դնի տարածաշրջանում իր քաղաքականության իրականացումն Անկարային վստահելու՝ ամերիկյան վարքագծին. Էլիզաբեթ Չուլջյան

Այս բանաձևը պատնեշ է ԱՄՆ-ում օտար միջամտությունների դեմ։ Այն հստակորեն պատվար է բարձրացնում  ԱՄՆ-ի որդեգրած՝ մարդու իրավունքների պաշտպանության քաղաքականության եւ մարդու իրավունքները ոտնահարող պետությունների միջեւ. Yerkir.am-ի հետ զրույցում ասաց Ամերիկայի Հայ դատի հանձնախմբի մամուլի խոսնակ Էլիզաբեթ Չուլջյանը։

«Այս բանաձևի որդեգրումը պետք է վերջ դնի տարածաշրջանում իր քաղաքականության իրականացումն Անկարային վստահելու՝ ամերիկյան վարքագծին: Սա կարելի անկյունադարձային իրադարձություն համարել ԱՄՆ-ում մարդկանց իրավունքների պաշտպանության քաղաքականության մեջ: Երբ Ներկայացուցիչների պալատը վավերացրեց այս բանաձևը՝ Հայոց ցեղասպանության ճանաչումը հիմնարար համարելով, դրանով վերջ դրվեց ամերիկյան ներքին քաղաքական կյանքում ամենաերկարատև օտար «վետոյին»»,- ասաց նա: