«Կոշտ» Brexit-ը երբեք չի լինի ԵՄ-ի որոշումը. ԵԽ նախագահ

Եվրոպական խորհրդի նախագահ Դոնալդ Տուսկը հայտարարություն է տարածել, որի համաձայն՝ ԵՄ-ն երբեք չի ընդունիառանց համաձայնագրի  իր կազմից Մեծ Բրիտանիայի դուրս գալը. հայտնում է «Ինտեֆաքս»-ը:

«Մենք պետք է պատրաստ լինենք ցանկացած սցենարի: Բայց մի բան պետք է հասկանալի լինի՝  շաբաթ օրն ասացի Մեծ Բրիտանիայի վարչապետ Ջոնսոնին, որ «կոշտ» Brexit-ը երբեք չի լինի մեր որոշումը»,- ասվում է Տուսկի՝ Եվրախորհրդարանին ուղղված հայտարարության մեջ, որը հրապարակվել է հոկտեմբերի 22-ին:

Փաստաթղթում նշվում է նաև, որ Տուսկը ԵՄ-ի ղեկավարների հետ խորհրդակցուություններ է վարում Brexit-ի հետաձգման վերաբերյալ Լոնդոնի խնդրանքի շուրջ: ԵՄ-ի որոշումն սպասվում Է «առաջիկա օրերին»:

Ավելի վաղ հաղորդվել էր, որ Բրիտանիայի Համայնքների պալատի խոսնակ Ջոն Բերքոուն որոշել Է մերժել Brexit-ի պայմանների վերաբերյալ համաձայնագրի շուրջ հոկտեմբերի 21-ին քվեարկություն անցկացնելու խնդրանքը, որը երկրի կառավարությունը ձեռք է բերել Բրյուսելի հետ: Ակնկալվում է, որ Համայնքների պալատում Brexit-ի գործարքի շուրջ քվեարկությունը կկայանա այս շաբաթ: