Թուրքիան պետք Է վերջնականապես դադարեցնի ռազմական գործողությունները. Տուսկ

Եվրախորհրդի նախագահ Դոնալդ Տուսկը կոչ է արել Թուրքիային՝ վերջնականապես դադարեցնել ռազմական գործողությունները Սիրիայի հյուսիս-արևելքում և հարգել միջազգային հումանիտար իրավունքի նորմերը: Այս ուղերձով նա հոկտեմբերի 22-ին հանդես Է եկել Եվրախորհրդարանի՝ Ստրասբուրգում ընթացող նստաշրջանում. հայտնում է ՏԱՍՍ-ը:

«ԵՄ-ն դատապարտել Է Թուրքիայի միակողմանի ռազմական գործողությունները Սիրիայի հյուսիս-արևելքում: Ոչ ոք մոլորության մեջ չէ, այսպես կոչված, հրադադարի հարցում»,- ասել է Տուսկն ու հավելել. «Թուրքիան պետք է վերջնականապես դադարեցնի ռազմական գործողությունները, դուրս բերի իր ուժերը և հարգի միջազգային հումանիտար իրավունքի նորմերը»:

Նրա խոսքով՝ ցանկացած այլ ճանապարհ նշանակում է անընդունելի մարդկային տանջանքներ, «Իսլամական պետություն» ահաբեկչական խմբավորման հաղթանակ, ինչպես նաև լուրջ սպառնալիք եվրոպական անվտանգության համար:

«ԵՄ-ն նաև հավաստում Է իր լիակատար համերաշխությունը Կիպրոսին՝ նրա ափերի մոտ Թուրքիայի անօրինական հորատման աշխատանքների կապակցությամբ»,- եզրափակել Եվրախորհրդի նախագահը: