Թրամփը դեմոկրատին սրիկա է անվանել ու կոչ արել հարցաքննել նրան

ԱՄՆ նախագահ Դոնալդ Թրամփը դարձյալ քննադատել է Ներկայացուցիչների պալատի հետախուզության հարցերով հանձնաժողովի նախագահ Ադամ Շիֆին: ԱՄՆ առաջնորդն իր թվիթերյան միկրոբլոգում կատարած գրառման մեջ նրան սրիկա և կոռուպցիոներ է անվանել: 

Թրամփը մանրամասնել է, որ զրույցն իր ուկրաինացի գործընկեր Վլադիմիր Զելենսկիի հետ կատարյալ է անցել, ինչը նաև Ուկրաինայի նախագահն է հաստատել: «Նա արդեն նույնիսկ հայտարարել է, որ ոչ մի ճնշում չի եղել»,- հիշեցրել է Թրամփը:

ԱՄՆ նախագահի հաղորդմամբ՝ ինքը չի հասկանում, թե որտեղ են այն տեղեկատվություն տարածողները, որոնք խեղաթյուրել էին իր և Զելենսկիի զրույցը: Նա հայտարարել է, որ անհրաժեշտ է հարցաքննել կոռումպացված Շիֆին, որպեսզի պարզվի, թե արդյո՞ք նա է եղել զրույցը խեղաթյուրողը:

«Ես նրա ցուցմունքներն եմ պահանջում. նա խաբեբա է»,- հայտարարել է Թրամփը: