Թուրքիայի ԱԳՆ-ն մանրամասնել է՝ ինչու է Անկարան գնել ռուսական Ս-400 համակարգերը

Թուրքիայի արտաքին գործերի նախարար Մևլյութ Չավուշօղլուն մանրամասնել է, որ Անկարան գնել է ռուսական Ս-400 զենիթահրթիռային համակարգերը, քանի որ չի ցանկանում  անվերջ խնդրել ՆԱՏՕ-ին՝ իր սահմանների երկայնքով հակաօդային պաշտպանության համակարգեր տեղակայել: Այս մասին նա ասել է Ստամբուլում ՆԱՏՕ-ի գլխավոր քարտուղար Իենս Ստոլտենբերգի հետ համատեղ ասուլիսի ժամանակ, հաղորդում է ՏԱՍՍ-ը:

«Թուրքիան իր սեփական պաշտպանական համակարգերը չունի: Մենք շնորհակալ ենք Իսպանիային, որ կատարել է խոստումն ու մեր սահմաններին տեղակայել իր Patriot ԶՀՀ-ները: Այդ բոլոր վեճերը ցույց են տալիս, որ Թուրքիան պետք է սեփական ՀՕՊ համակարգերն ունենա: Մենք ամեն անգամ չենք խնդրելու: Դա էր պատճառը, որ մենք ռուսական Ս-400 գնեցինք»,- պարզաբանել է Չավուշօղլուն: