ԱՄՆ եւ Թուրքիայի գլխավոր շտաբների ղեկավարները քննարկել են Սիրիայի իրավիճակը

ԱՄՆ ԶՈւ շտաբների պետերի միացյալ կոմիտեի նախագահ Մարկ Միլին քննարկել է  Սիրիայի իրավիճակը Թուրքիայի գլխավոր շտաբի պետ Յաշար Գյուլերի հետ: Այդ մասին հայտնել է Միլիի մամուլի ծառայությունը: Հստակեցվում է, որ նրանց զրույցը տեղի է ունեցել չորեքշաբթի. տեղեկացնում է ՏԱՍՍ-ը: 

Քննարկվել է Սիրիայում «անվտանգության ոլորտի իրավիճակը»: Այլ մանրամասներ չեն հաղորդվում:

Ամսվա սկզբից սա Միլիի եւ Գյուլերի երկրորդ զրույցն է:

Թուրքիան ավելի վաղ Սիրիայում ռազմական գործողություն էր սկսել քրդական կազմավորումների դեմ, ինչը հարուցել է Վաշինգտոնի խիստ քննադատությունը: Դոնալդ Թրամփի վարչակազմը խոստովանել է, որ գործողության գոտուց ամերիկյան զորքերը դուրս է բերել, բայց միաժամանակ հայտարարել է, որ չի աջակցում Անկարայի գործողություններին: Սենատում եւ Ներկայացուցիչների պալատում օրինագծեր են մշակվել, որոնք Թուրքիայի դեմ պատժամիջոցներ են նախատեսում Սիրիայում ԱՄՆ-ի դաշնակից կազմավորումների դեմ գործողության պատճառով: