ՀՀ նախագահը նոր խորհրդատու ունի՝ ՌԴ քաղաքացի է

Ռուսաստանի քաղաքացի Գեորգի Ասատրյանը նշանակվել է ՀՀ նախագահ Արմեն Սարգսյանի գլխավոր խորհրդական: Այս մասին հայտնում է «Կոմերսանտ»-ը ՝ վկայակոչելով դիվանագիտական շրջանակներում աղբյուրներ:

Հրապարակման համաձայն՝ Ասատրյանը զբաղվելու է Ռուսաստանի նախագահ Վլադիմիր Պուտինի և Արմեն Սարգսյանի միջև կապերի ամրապնդմամբ, ինչպես նաև երկու երկրների նախագահների աշխատակազմերի միջև կապերի ակտիվացմամբ:

Թերթի զրուցակիցները նշել են, որ Գեորգի Ասատրյանին նշանակելու մասին որոշումը կայացվել է Վլադիմիր Պուտինի՝ Երևան այցից հետո: Նա կկատարի իր պարտականությունները որպես խորհրդատու՝ հաստիքից դուրս և հասարակական հիմունքներով:

Գեորգի Ասատրյանը պատմական գիտությունների թեկնածու է, մասնագիտացել է Աֆղանստանի և Մերձավոր Արևելքում ԱՄՆ-ի հակաահաբեկչական գործունեության  մասով: Անվտանգության հարցերով մասնագետ է: