ՀՅԴ-ն նախաձեռնում է «Բարձրագույն կրթության և գիտության մասին» օրենքի նախագծի հանրային քննարկում

Արդեն տեղի են ունեցել առաջին քննարկումները, և ինչպես հանրության շրջանում, այնպես էլ մեր հանձնախմբում ի հայտ են եկել տարբեր մտահոգություններ. Yerkir.am-ի հետ զրույցում նշեց ՀՅԴ Հայաստանի ԳՄ-ին կից կրթության և գիտության ոլորտային մասնագիտական հանձնախմբի նախագահ, Խ. Աբովյանի անվան ՀՊՄՀ-ի դասախոս Խաչատուր Ստեփանյանը՝ անդրադառնալով «Բարձրագույն կրթության և գիտության մասին» ՀՀ օրենքի նախագծին:

Նա հայտնեց, որ իրենց հանձնախումբը որոշել է կազմակերպել օրենքի հանրային քննարկումներ:
«Առաջին քննարկումը տեղի է ունենալու առաջիկա հինգշաբթի օրը՝ երեկոյան ժամը 18:30-ին, ՀՅԴ «Սիմոն Վրացյան» կենտրոնում՝ Հանրապետության 30 հասցեում»,- նշեց Խաչատուր Ստեփանյանը և կոչ արեց բարձրագույն կրթության և գիտության ոլորտի մասնագետներին ու բոլոր շահագրգիռ անձանց՝ մասնակցել նշյալ քննարկմանը: