ԱԱ. Կարապետ Չալյանը պարտվեց բրոնզե մեդալի համար գոտեմարտում

Ղազախստանում ավարտին մոտեցող հունահռոմեական ոճի ըմբշամարտի աշխարհի առաջնության 77 կգ քաշային կարգում Կարապետ Չալյանը պարտվեց բրոնզե մեդալի համար գոտեմարտում։ Այս մասին Yerkir.am-ը տեղեկանում է ՀԱՕԿ լրատվական ծառայությունից։

Գյումրեցի ըմբիշը բրոնզե մեդալը վիճարկեց Իրանը ներկայացնող Մոհամադալի Ղերաիի հետ և պարտվեց 6:9 հաշվով։

Հունահռոմեական ոճի ըմբշամարտի Հայաստանի հավաքականը երկու մեդալով ավարտեց ելույթն աշխարհի առաջնությունում: Ավելի վաղ Սլավիկ Գալստյանը (63 կգ) դարձել էր բրոնզե մեդալակիր, իսկ Արթուր Ալեքսանյանը (97 կգ) նվաճել էր արծաթե մեդալ: Ռիո-2016 Օլիմպիական խաղերի ոսկե մեդալակիր, աշխարհի եռակի ու Եվրոպայի քառակի չեմպիոն Արթուր Ալեքսանյանը վնասվածքի պատճառով չէր մասնակցել եզրափակիչ գոտեմարտին: