Իդլիբը կարժանանա Հալեպի ճակատագրին. Էրդողան

Թուրքիայի նախագահ Ռեջեփ Թայիփ Էրդողանը Չեխիայի նախագահ Անդրեյ Բաբիշի հետ հանդիպման ժամանակ անդրադարձել է Իդլիբում ծավալվող գործողություններին:

«Իրադրությունը սիրիական Իդլիբում նման է ավելի վաղ Հալեպում տիրող վիճակին, որը գրեթե ամբողջապես ոչնչացվել էր Բաշար Ասադի զորքերի հարձակումներից: Իդլիբը աստիճանաբար վերանում է: Այնպես, ինչպես վերացավ և գետնին հավասարվեց Հալեպը»,- Էրդողանի խոսքերն է մեջբերում «Անադոլու» գործակալությունը:

Նա նշել է, որ նման իրավիճակում «անհնար է լռել» և  պատրաստվում է ԱՄՆ նախագահ Դոնալդ Թրամփի հետ քննարկել Իդլիբի խնդիրը ՄԱԿ-ի Գլխավոր ասամբլեայում:

«Թուրքիան շարունակելու է փորձեր ձեռնարկել Սիրիայում անվտանգության գոտի ստեղծելու ուղղությամբ, և նպատակ չունենք վռնդել սիրիացի փախստականներին»,- ասել է Էրդողանը:

Նշենք, որ Թուրքիան և ԱՄՆ-ը շարունակում են Սիրիայի հյուսիսային մասում անվտանգության գոտի ստեղծելուն ուղղված բանակցությունները: Թուրքիան պնդում է, որ գոտին պետք  է լինի թուրք-սիրական սահմանից 30-40 կմ խորությամբ, ինչին ընդդիմանում է ԱՄՆ-ը: