Կահիրեի հիվանդանոցի մերձակայքում տեղի ունեցած պայթյունի հետևանքով զոհերի թիվը հասել է 20-ի

Եգիպտոսի մայրաքաղաք Կահիրեի կենտրոնում գտնվող Քաղցկեղի ազգային ինստիտուտի մերձակայքում տեղի ունեցած պայթյունի հետևանքով զոհերի թիվը հասել է 20-ի, վիրավորվել է 47 մարդ: Այս մասին հաղորդում է The Guardian-ը:

Եգիպտոսի առողջապահության նախարարությունը հայտարարել է, որ պայթյունի վայր է ուղարկվել 42 շտապօգնության մեքենա՝ վիրավորներին օգնություն ցուցաբերելու նպատակով, որոնց թվում եղել են բազմաթիվ այրվածքներով և կոտրվածքներով մարդիկ: Չորսը մնում են վերակենդանացման բաժանմունքում։ Մոտ 45 հիվանդ տեղափոխվել է այլ հիվանդանոցներ։Նախնական տվյալների համաձայն՝ պայթյունի պատճառ է դարձել Քաղցկեղի ազգային ինստիտուտի տարածքում կայանված ավտոմեքենայում գտնվող թթվածնային բալոնը: Պայթյունը մեծ վնասներ է հասցրել նաև հիվանդանոցի շենքին:

Եգիպտոսի ներքին գործերի նախարարությունը վստահեցրել է, որ դեպքն ահաբեկչական գործողության հետևանք չէ: