Դիվանագիտությունը նույն ռացիոնալ մտածողությունն է եւ երբեք պարտություն չի նշանակել. Զարիֆ

Իրանի ԱԳ Նախարար Մոհամադ Ջավադ Զարիֆը Twitter-ի իր միկրոբլոգում արձագանքել է Դոնալդ Թրամփի այն հայտարարությանը, թե իրանցիները ոչ մի պատերազմում չեն հաղթել եւ չեն էլ պարտվել որեւէ բանակցությունում:

Զարիֆը գրել է. «Հազարամյակների ընթացքում Իրանի զավթիչները եկել ու գնացել են: ԱՄՆ-ն ավելի քան 7 տրիլիոն դոլար է մսխել մեր տարածաշրջանում արյունահեղաթյան, ինչպես նաեւ՝ վիետնամական պատերազմում` իր պատմության ամենամեծ պարտության ժամանակ»:

Նա հերթական անգամ Թրամփին կոչ է արել մերժել #Team_B-ի սադրիչ գործողությունները. «Դոնալդ Թրամփ մերժի՛ր #Team_B-ի կողմից պատմության խեղաթյուրումը եւ պատերազմ սադրելու` նրանց փորձերը»:

Զարիֆը վերջում ավելացրել է, որ դիվանագիտությունը նույն ռացիոնալ եւ խելամիտ մտածողությունն է եւ երբեք պարտություն չի նշանակել: