Բևեռային աղվեսը հատել է Նորվեգիայից մինչև Կանադա ձգվող 3.500 կմ ճանապարհը

Բևեռային էգ աղվեսը կտրել է մոտ 3.500 կմ ճանապարհ` Նորվեգիայից հասնելով Կանադա ընդամենը 76 օրում` հիացնելով Նորվեգիայի բևեռային ինստիտուտի հետազոտողներին. հայտնում է The Guardian-ը:

Կենդանու վրա, որը հայտնի է նաև սպիտակ կամ կապույտ աղվես անունով, հետևող սարք էր տեղադրվել դեռևս 2017 թվականի հուլիսին: Աղվեսը մեկնել էր Շպիցբերգենից (կղզիախումբ Նորվեգիայում) 2018 թվականի մարտի 26-ին: 21 օր անց, հատելով 1512 կմ, կենդանին, սառցաբեկորի վրա լողալով, հասել է Կանադայի Էլլեսմեր կղզի, որն էլ հուլիսի 1-ին դարձել է  նրա վերջին հանգրվանը:

«Մենք սկզբից չէինք հավատում, որ դա իրականություն է», - ասել է հետազոտող Էվա Ֆունգլեին: