Մինչև 18 տարեկան երեխաների հիվանդանոցային բուժումն անվճար կլինի

Կառավարության այսօրվա նիստում որոշվել է առողջապահության նախարարությանը տրամադրել 12 մլրդ 33 մլն դրամ: Ըստ նախարարության ներկայացրած տեղեկության` տրամադրվող գումարի շրջանակում նախատեսվում է ընդլայնել առողջապահության ոլորտի` առավել հրատապություն և կարևորություն ունեցող մի շարք ծրագրեր:

«0-18 տարեկան երեխաների հիվանդանոցային բուժօգնությունը կդառնա անվճար, առաջին և երկրորդ խմբի հաշմանդամները, ժամկետային զինծառայողների ընտանիքի անդամները և հատուկ խմբերում ընդգրկված այլ քաղաքացիների բուժօգնության փաթեթն կընդլայնվի` ընդգրկելով սրտի վիրահատական ծառայությունների և նորագույն թանկարժեք այլ տեխնոլոգիաներով կատարվող բժշկական ծառայությունները»,- մանրամասնում է նախարարության լրատվական ծառայությունը: