Եղվարդի մի քանի բնակիչներ շարունակում են իրենց բողոքի ակցիան կառավարության շենքի մոտ. վարչապետի հետ հանդիպում են պահանջում

Վաղ առավոտից Եղվարդի՝ անտուն մնացած բնակիչները կառավարության շենքի առջև դարձյալ բողոքի ակցիա են կազմակերպել. նրանք պահանջում են հանդիպում ՀՀ վարչապետ Նիկոլ Փաշինյանի հետ:

Ակցիայի մասնակիցներից մեկի խոսքով` կառավարությունից արձագանք իրենց ստացել են: «Վարչապետի օգնականն ասել ա, որ վարձ տանք, գնացեք, ապրեք: Դրանից հետո արդեն` դուք բոլորդ էլ աշխատում եք, գնացեք, պետական աշխատեք: 55.000 փող եմ ստանում, 50.000 նպաստ ա, դրանով էս 5 երեխին ո՞նց պահեմ»,- նշեց նա:

Եղվարդի ցուցարար բնակիչները պնդում են նաև, որ Գուրգեն անունով մեկը 3 օր առաջ գնել է իրենց տան տարածքը՝ ծեծելով դուրս հանել իրենց այնտեղից:

Ավելի վաղ տեղեկացրել էինք, որ երեկ Եղվարդի` կառավարության շենքի մոտ բողոքի ակցիա իրականացող բնակիչները գիշերել էին այնտեղ: