Դատավորների վեթինգում անհրաժեշտ է հավատարիմ մնալ միջազգային չափանիշներին. Գոնսալո Սերանո

ԵՄ-ն սատարում է ՀՀ-ում իրականացվող դատաիրավական բարեփոխումներին, բայց անհրաժեշտ է, որ այս բոլոր բարեփոխումներում, մասնավորապես` դատավորների վեթինգում, ինչպես նաև հակակոռուպցիոն և այլ գործընթացներում հավատարիմ մնալ միջազգային չափանիշներին. «Անցումային արդարադատության համատեքստում խոշտանգումների զոհերի իրավունքների վերականգնման մեխանիզմները» թեմայով հանրային քննարկման ժամանակ նշեց Հայաստանում ԵՄ պատվիրակության համագործակցության բաժնի ղեկավար Գոնսալո Սերանոն։ 

«Նույնը վերաբերում է նաև մարդու իրավունքների խնդրին։ Այսինքն՝ ընդունելի չէ հանգել բարեփոխումների այնպիսի կետի, որտեղ մարդու հիմնարար իրավունքները ոտնահարվում են»,- շեշտեց  ԵՄ ներկայացուցիչը: