ԲՀԿ-ն Քոչարյանի կալանավորումը չի մեկնաբանում

Խորհրդարանական ճեպազրույցների ժամին լրագրողները ԲՀԿ խմբակցության ներակայցուցիչներից հետաքրքրվեցին` ի՞նչ կարծիք ունեն ՀՀ երկրորդ նախագահը Ռոբերտ Քոչարյանի` երեկվա կալանավորման մասին:

Խմբակցության պատգամավոր Իվետա Տոնոյանը նշեց, որ հարցի առնչությամբ թե՛ իրենց կուսակցությունը, թե՛ համանուն խմբակցությունը մեկ անգամ չէ, որ հայտնել են տեսակետ, այն է` ԲՀԿ-ն հարցը դիտարկում է իրավական հարթության մեջ:

«Իրավական գործընթացներ են, ու երբ լինի այդ հարցի հետ կապված հանգուցալուծում, իրավական լուծում, այդ ժամանակ ԲՀԿ-ն իր գնահատականը կտա: Մենք ունենք կոնկրետ օրենսդրական կարգավորումներ այդ հարցի հետ կապված, ու այդ կարգավորումներից դուրս որևէ հարց չենք դիտարկում»,- ընդգծեց նա: